喂！垃圾，你點睇？Hey, think about waste!
社會實驗 x 環保倡導: 展覽 • 分享暨Greengoer 2018-19畢業典禮活動詳情
日期：2019年4月14日 (星期日)
時間：1400-1700
地點：生活書院禮堂 (大埔錦山路178號)
社會實驗x環保倡導：垃圾議題主題
1. 走杯體驗日記 – 撈蛋
環保說易行難。無時間、唔方便…… 社會風氣、個人習慣…… 有各種因素令香港人卻步😔好似走塑咁，就算有人知部分飲品店為走杯大眾提供折扣優惠，有幾多人真係會帶自己杯出街裝野飲？
唔洗望啦😂一齊實踐走杯行動啦！💪🏼
我地走訪尖沙咀嘅5間飲品店，用環保杯裝野飲，並簡單訪問店員走杯嘅情況。到底邊Ｄ飲品店支持走杯？期間我地又遇到咩困難或者有咩發現？
2. 產品環保包裝評價 – 十下十下
成日講回收♻唔知大家對於回收膠製品嘅認識有幾深呢？我地呢個社會實驗除咗考驗下大家識唔識點樣正確回收一般膠製品，例如膠樽、珍珠奶茶、護膚品外，仲會幫大家為市面上既產品做評估，準則就係包裝可被回收既容易程度，希望比消費者喺購買前作為參考。
想知道多啲我地嘅實驗過程同結果，記住黎喇!
3. 零包裝體驗日 – 麻油驅蚊
包裝嘅原意係為咗保護商品嘅品質，但近年過度包裝嘅問題十分嚴重，亦導致好多一次性既浪費。究竟過度包裝又係咪咁有需要呢？
為咗測試香港人可唔可以擺脫呢啲包裝嘅魔爪，我哋決定發起祼買大挑戰，期望以最少嘅廢物量去整brownie同埋打邊爐。究竟我哋最後嘅實驗結果係點呢？喺香港進行無包裝購物又係咪真係咁難呢？
想知既話就要參與我地活動啦！
4. 環保潮流二手衫配搭 – Nave
衣物有價，價錢牌背後仲有好多代價。
大家平時嘅衣著打扮可以試下下面呢三個「衣嘗」:
1. 嘗試建立極簡衣櫥
2. 嘗試多買二手衫（如果你需要買嘅話）
3. 嘗試用你已有嘅衫進行mix&match
想知多啲關於舊衣回收同二手衫嘅資訊？黎我地個booth睇下啦！
5. 型格再造創新意 – BYOB
香港近期有好多本地社企，甚至是設計師都已升級再造為創作理念。但Upcycle 唔只係香港仲係全世界🌍嘅環保潮流💨
垃圾之所以變成垃圾，好多時係我地限制咗物品嘅可能性，棄置咗就好似同自己再無關係😯 其實我地可以嘗試發揮創意改造物品，賦予物品新嘅生命🤩upcycle可以好簡單嘅material就做到㗎喇～🤤
如果大家都想一起發掘每樣野背後既最大用處，我們誠邀你參與及欣賞這8個月以來的學習和環保7 days challenge實驗成果。就可以將所謂既垃圾既光芒散發出黎🤩
環保唔止保護環境🍀 仲可以實踐社會責任添😍垃圾變寶，堅持環保！
6. 紙皮回收大王 拾荒者有價 – Yama
近日，一位姓黃的拾荒者到了立法會，講述自己因年紀大，退休後遇上搵工的種種困難，最後要拾荒的原因。可惜她並沒有得到羅局長體諒，令此事在網上得到巨大迴響。
如果你對拾荒者日常面對的問題或者想關注他們的權益，我們誠邀你參與及欣賞這8個月以來的學習和實驗成果。
我們訪問了鄧生(一位半職的拾荒者)，想了解更多他拾荒背後的原因、難忘經歷以及剖白，一定要來看看我們製作短片，希望你們看後會對拾荒者改觀。
7. 醒目回收標示效果實驗 – 無貨Dick
「喂，膠樽鋁罐嗰邊啊！」
垃圾桶方便過回收箱？睇唔到回收箱所以扔落垃圾桶？原來回收箱就喺垃圾桶隔離炸！究竟喺回收箱加roadsign可唔可以令到多D人回收？
想知道答案嘅就記得今個禮拜日去我地嗰攤位啦！
